مقالاتخالد أبو بكر يكتب: في ذكرى 30 يونيو تعالوا نحاسب الرئيس السيسي

نبتدي من الأول الحكاية وتخيلوا معي الحوار التالي :

الشعب : خلصنا من الإخوان ياوزير الدفاع
كمان مرة لو سمحت سيادتك خلصنا من الإخوان
طيب تاني أحنا نازلين في ٣٠ يونيو عشان نثبت للدنيا إننا هنقوم بثورة يشارك فيها ملايين المصريين وهنطلب من الجيش ممثل في وزير الدفاع إنه يخلصنا من الإخوان
السيسي: مهلة عشان تتفاهموا مع بعض
الشعب: واضح إنك مش معانا
طيب هانحشد الناس والأعداد هتزيد في كل ميادين مصر
السيسي: مهلة ٤٨ ساعة
الشعب: مش حاسين إن السيسي معانا
السيسي: اجتماع مع المجلس العسكري ووقوفهم على قلب رجل واحد ثم إعلان ٣ يوليو
الشعب: توكل على الله وأحنا معاك
السيسي: أنتم أكيد معايا
الشعب: معاك ووقت ما تحتاجنا هتلاقينا
السيسي: بس الطريق صعب وفيه تحديات وأنا وجيش مصر هنحارب الإرهاب في ظل ظروف البلد الضعيفة وأوضاع اقتصادية متردية
الشعب: معاك يا ريس
ويبدأ فصل جديد من الحكاية
يتولى الرئيس السيسي مقاليد الحكم في مصر في ٢٠١٤
وبدء العمل
شوية من اللي كانوا بيقولوا معاك بدأوا يختلفوا، بلاش دي أو دي قبل التانية أو ليه عملت كده كلام من النوع ده
والأغلبية أيدت القرارات اللي اتخذها السيسي ، حتى وأن تحفظ بعض من الأغلبية على أساليب التنفيذ ، نتيجة عدم  شرح كل الامور بوضوح